Seus is chi pigant a incuru s’arrisu tuu.

Sa prevennidura est sa cosa de prus importu chi nosu faeus: is averiguamentus periòdicus e is richiamus chi faeus fatu-fatu de s’igieni funt su primu passu faci a sa prevennidura de problemas o sanaduras caras.

Prenota la tua visita

Is tentas nostas

Alfadental tenit unu liòngiu mannu cun sa cultura, sa terra e sa lìngua sarda.

Alfadental est fundada asuba de balimentus de benèssiri, de sa saludi e de s’igieni de sa buca. S’incuru de s’arrisu, un’esàmini fatu a fini-fini de su “status” odontojàtricu de dònnia patzienti, is informus giustus asuba de is tratamentus de sa buca de fai dònnia dii funt is tentas nostas de prus importu.

Ita faeus

Totu is tratamentus funt assegurasus po 10 annus e is averiguamentus chi si faint apustis funt in donu po sèmpiri.

Totu is situatzionis funt documentadas e sighias in su tempus. Amostaus “su innantis e s’apustis” siat fotogràficu chi arradiugràficu de is tratamentus, po amostai de manera crara sa calidadi de is sanaduras fatas.

Is tratamentus nostus

Igieni de sa buca

S’igieni professionali de sa buca, o detartrasi, est su bogai totu su pillu de praca, crosta de is dentis e màncias de is dentis.

Pedodontzia

Sa pedodontzia prevennit e sanat is maladias odontostomatològicas de su pipiu de candu est nàsciu finsas a candu amanniat bessendi piciocheddu.

Odontojatria arrangiadora

S’odontojatria arrangiadora pertocat su torrai a fai sa denti po nexi de tacadura opuru po su brucsismu, o po limpiadura tropu forti e po fertas chi podint fai dannu a is dentis.

Ortonniatodontzia

S’ortonniatodontzia pertocat sa curregidura de is malformaduras de is cantèrgius, de is irregularidadis de posidura de is dentis po su dannu chi custas irregularidadis faint a sa bisura de sa faci e asuba de is funtzionis de s’arrespiratzioni, de sa matziadura e de sa fonadura.

Prevennidura dentali

Sa prevennidura est sa basi de s’odontojatria moderna: sa crai de sa saludi de sa buca.

Parodontologia

Sa parodontologia pertocat s’aguantu e sa saludi de is tessutus chi sustenint sa denti e chi podint essi sugetus a parodontiti, connota mellus cun su nòmini de supuratzioni.

Endodontzia

S’endodontzia pertocat is tessutus de aìnturu de sa denti, is maladias e is tratamentus acapiaus.

Pròtesi dentali

Sa pròtesi dentali pertocat su torrai a fai is dentis cumprumìtias malamenti e de s’arremprasu de is dentis chi amancant. Sa tenta sua est de torrai a is dentis chi amancant sa funtzionalidadi e sa bisura bona insoru.

Sa scuadra nosta

Is traballus fatus funt de grandu calidadi po dònnia spètzia de tratamentu.

Su stùdiu s’arrelatat cun is patzientis de manera cristiana: su liòngiu intre professionista e patzienti est cunfiantzosu. Perunu cumprumissu benit fatu po su chi pertocat sa calidadi de is prodùsius, materialis, limpiadura e garbosidadi.