Ortonniatodontzia

S’ortonniatodontzia pertocat sa curregidura de is malformaduras de is cantèrgius, de is irregularidadis de posidura de is dentis po su dannu chi custas irregularidadis faint a sa bisura de sa faci e asuba de is funtzionis de s’arrespiratzioni, de sa matziadura e de sa fonadura.

Curregit s’adelantamentu de is cantèrgius, tratat is maliserraduras e is dentis trotas. Cun s’imperu de ainas spetzìficas, comenti s’aina clàssica cun is “brackets” asuba de is dentis, in metallu (opuru in tzeràmica) opuru is maschereddas “Invisalign” chi no si bint, tenit che a tenta de lompi a una serradura perfeta de s’arcada arta cun sa de bàsciu.
Custu est de importu no scéti po s’estètica ma finsas po su chi pertocat sa chistioni mèiga, ca su essi is dentis a cracu de pari amànniat meda s’arriscu de maladias comenti tacadura e parodontiti, ca favoressit s’amuntonamentu de praca e fai bessiri prus traballosa sa limpiadura fata in domu. Po su chi pertocat sa dioanniòstica, po aprontai su programa de cura ortodònticu, su spetzialista tenit sèmpiri abisòngiu de analisi imprus e no de una bìsita simpli:

• fotografias de sa faci e de s’aìnturu de sa buca po studiai sa situatzioni de inghitzu.
• mollus de stùdiu: fatus in ghìsciu asuba de is fotografias de su patzienti.
• Arradiugrafias: ortopantomografia (s’arradiugrafia panoràmica) chi permitit de valutai sa saludi generali de sa buca, sa presèntzia de “agenesias” (est a nai s’ausèntzia de dentis permanentis) e casi sèmpiri is telearradiugrafias latero-lateralis, chi permitit de studiai is arrelatas intre is barras.

S’ortodontzia est medas bortas po sbàlliu assotziada a sa fasi de adelantamentu scéti. Est invècias possìbili chi puru a mannus si potzant otenni arresurtaus stravanaus cun tènnicas ortodònticas noas. Su stùdiu cun atentzioni de sa situatzioni asuba de sa documentatzioni cumpria, permitit de sterri unu programa de sanaduras de tènnicas imperadas, materialis chi abisongiaus, tempìstica e programa econòmicu innantis de cumentzai sa terapia.

Alfadental traballat impari a su Dotori Luca Pilia ortonniatodontzista ca, cun 30 annus de sperièntzia e agiorronamentu fitianu in su tratamentu ortodònticu de is pipius e de is mannus, arresolvit cun profetu is problemas ortodònticus.