Ita est sa Pedodontzia
Sa pedodontzia prevennit e sanat is maladias odontostomatològicas de su pipiu de candu est nàsciu finsas a candu amanniat bessendi piciocheddu.
Is tentas suas funt is afatantis:
• sanai e prevenni sa saludi de is dentis de lati (is dentis chi arruint),
• siddai is cascialis permanentis, de candu bessint (a ses annus) fendi de manera chi no si tachint;
• scoberri luegus de is problemas de sa buca;
Pertocat s’arreconnoscimentu e s’averiguamentu in su tempus de is maliserraduras, po detzidi pustis de interbenni de manera simpli, prus funguda e pagu invasora.
Su pipiu a cali edadi depit essi portau a-nde su dentista?
No esistit un’edadi stabilèssia, iat a essi de importu a ddi fai biri su stùdiu, mancai a s’inghitzu scéti po giogu, innantis de bessiri a pillu barrancus. Custu po fai de manera chi su pipiu no ndi bessat atzicau.
AIs dentis candu bessint e candu mudant?
Is dentis de lati funt 20 in totu, is de ananti funt 8 e bessint intre is 6 mesis e is 10 mesis, is cannajonis bessint intre is 14 e is 20 mesis, is primus cascialis de lati de 12 a 20 mesis, is segundus cascialis de lati a 2 annus. Craramenti is tempus podint mudai de pipiu a pipiu ca funt nùmerus standard. Si cumentzat a cambiai is dentis a 6 annus cun is dentis de lati de bàsciu de ananti e si acabat de mudai is 8 dentis de lati intre is 8-9 annus. A 6 annus bessint is primus cuàturu cascialis fissus. Intre is 10 e is 12 annus is dentis de lati benint arremprasadas cun is permanentis e cascialis de ananti e pustis bessit su segundu casciali. Po is dentis de s’ogu, s’at a abetai casi finsas a s’acabu de sa giovunesa, de is 18 a is 24 annus.
Poita sanai is dentis de lati?
Is dentis de lati, is dentis chi arruint, funt dentis chi ant a essi cambiadas in s’interis chi su pipiu est amanniendi candu ant a essi arremprasadas cun is dentis fissas de mannu. Is dentis de lati tenint un’edadi stabilèssia po essi arremprasadas de sa definitva. Is tacaduras in is dentis de lati megant de fai perdi una denti innantis de su cambiamentu naturali de sa denti e, candu custu sutzedit, is dentis de acanta andant a ocupai su logu de sa denti pèrdia faendi bessiri is dentis fora de sètiu.
Candu si lompit a s’edadi candu una denti depit essi arremprasada de manera naturali, sa definitiva no agatat logu po ndi bessiri e podit abarrai impresonada o amanniai in d-una posidura sballiada. Alfadental de annus est impinniada a sanai is dentis de is pipius: est spetzialisada in s’acostamentu a is pipius, chi megant de intrai in stùdiu de manera allirga e spassiosa
In su stùdiu Alfadental sa Dotora Dr. Alessandra Pinna, cun 18 annus de sperièntzia, ca pigat a incuru is dentis de is pipius.
