Is tratamentus nostus.
Primu bìsita e Programa po sanai.
Su primu atòbiu est de importu po si connosci, po s’arrelatai mellus cun is mèigus nostus e po spricai cali funt is malis e is problemas.
Est utilosu valutai is problemas de prus importu e circai de si fai un’idea de su chi abisongiaus po fai analisi noas prus fungudas aici comenti fotografias, arradiugrafias, tac, esàminis microbiològicus, polisonnografia, esàminis allergològicus, calcus de stùdiu, e/opuru bìsitas spetzialìsticas, aici de podi sterri unu programa cumpriu po sanai, de efetu e deretu.
Alfadental fait sa primu bìsita cun is professionistas de stùdiu: sa Dotora: Alessandra Pinna, odontojatra, chi vàlutat s’abisòngiu de is esàminis chi serbint e is interbentus po sanai, su Dotori Carlo Porcedda igienista, chi vàlutat s’abisòngiu de amellorai sa saludi de sa buca e fai su primu acostamentu sprichendi is arraxonis de is problemas de sa buca e donendi is primus inditus po aguantai sa buca sana, su Dotori Luca Pilia ortodontista, chi vàlutat s’abisòngiu de torrai a ponni is dentis in sa posidura currègia insoru. Cun s’agiudu de is ullieras amanniodoras, sprighixeddu, iscandàlliu e sunda vàlutant is problemas crarus e averìguant is turmentus arremonaus de su patzienti.
Giai de sa primu bìsita si averìguat s’apretu eventuali e si fait de manera de ddu arresolvi luegus.
Chi ddoi est s’abisòngiu, si fait un’arradiugrafia de averiguamentu. Calincuna borta si interbenit luegus.
Su programa po sanai est fatu de is tratamentus chi serbint po torrai a sanai sa buca.
In su stùdiu Alfadental sa Dotora Pinna, pustis de ai pigau informus de arradiugrafias, fotografias, limpiau sa buca de sa crosta de is dentis e de batèrius, imperendi mollus de stùdiu e cun sa consulèntzia de unus cantu spetzialistas (sèmpiri chi iat a podi serbiri o no), vàlutat is abisòngius e is tentas de su patzienti, po stabilessi su listàrgiu e sa prioridadi de is interbentus.
Is informus chi arregolleus in sa primu bìsita funt is ainas po sterri unu programa cumpriu e craru po sanai, chi permitat de organisai is traballus de fai, is prioridadis e sa sighidura de is matessis. Andaus prus ainnantis de sa gestioni simpli de s’apretu.
TRATAMENTUS
Igieni de sa buca
S’igieni professionali de sa buca pertocat su bogai su pillu de praca, crosta de is dentis e màncias de is dentis.
Odontojatria arrangiadora
Endodontzia
Pedodontzia (tratamentus odontojàtricus po is pipius)
Sa pedodontzia prevennit e sanat is maladias odontostomatològicas de su pipiu de candu est nàsciu finsas a candu amanniat bessendi piciocheddu.
Pròtesi dentali
Sa pròtesi dentali pertocat su torrai a fai is dentis cumprumìtias malamenti e de s’arremprasu de is dentis chi amancant. Sa tenta sua est de torrai a is dentis chi amancant sa funtzionalidadi e sa bisura bona insoru.
Riabilitadura de is serraduras e tratamentu de su brucsismu.
Odontojatria estètica
S’odontojatria estètica pertocat sa bisura de s’arrisu.
Dromidroxu, asseliadura e ansiolisi.
Is curas odontojatricas funt andadas ainnantis chi ddas poneus in cumparàntzia a is “sperièntzias anca de su dentista” de 30 annus a oi cun anestesias afortiadas e tratamentus prus pagu invasivus e prus dilicaus cun su dromidroxu, chena de s’imperu de mexina peruna e cun s’asseliadura cuscienti farmacològica lèbia.
Prevennidura dentali
Sa prevennidura est sa basi de s’odontojatria moderna: sa crai de sa saludi de sa buca.
Parodontologia
Sa parodontologia pertocat s’aguantu e sa saludi de is tessutus chi sustenint sa denti e chi podint essi sugetus a parodontiti, connota mellus cun su nòmini de supuratzioni.
Chirurgia de sa buca
In sa chirurgia de sa buca si bogant is dentis e tessutus chi funt càusa de unfraduras, infetzionis o maladias oncològicas.
Ortonniatodontzia
S’ortonniatodontzia pertocat sa curregidura de is malformaduras de is cantèrgius, de is irregularidadis de posidura de is dentis po su dannu chi custas irregularidadis faint a sa bisura de sa faci e asuba de is funtzionis de s’arrespiratzioni, de sa matziadura e de sa fonadura.
Chirurgia de imprantu
Sa chirurgia de imprantu pertocat s’arremprasu de is dentis chi amancant (dentis pèrdias opuru po agenesia) cun pilastrus (arrèxinis frassas) de titàniu integraus in s’ossu de is barras.
Chirurgia de is tessutus moddis de sa buca
Surrùschiu e apneas
Su surrùschiu est ocasionau de insuficèntzia arrespiratòria a is bias de su nasu ca nosi fait arrespirai cun sa buca aberta. Est custu fatu chi ocasionat is “apneas”, est a nai momentus chena de arrespirai finsas po calincunu segundu.